الخيانة عند ادم

متى يشعر ادم بخيانة زوجته ومتى يخون امراته

انا اللي بعرفو أنو مسموح للرجل يخون بالحلال طبعا

بس المرأة ما فينها تخون رجل بالحلال

أما اذا بالحرام
الرجل أكيد رح يتحاسب
بس المرأة اكتر طبعا لأنو لا بحلال ولا بحرام فينها تخون يعني

فيبي ما في خيانة با الحلال
لانو الخيانة حرام...

احسن شي بلا زواج كل واحد يعيش لحالو ومرتاح بالو

لا والله يا فيبي هاالايام ماحداعم يسال لا حرام ولا حلال ولا مشلعر كلهم الهم اسالك نفسي

لا والله يا فيبي هاالايام ماحداعم يسال لا حرام ولا حلال ولا مشلعر كلهم الهم اسالك نفسي

لا يا مونستر لما الرجال بيتجوز على مرتو بالحلال بيكون عنا اسمها خيانة بس عند الله مو خيانة

ومتل ما قلت أحسن شي بلا ما يتجوز الواحد

واي اي مها كلو اللهم اسألك نفسي وبس

ممكن

لا مو ممكن اكيد بس شو لسبب ما فهمت لهلا

كمان اي سبب

سبس خيانتكم لحوا شو

أنا معك MR-007

بلا زواج بلا أحلام بلا بطيخ


هلا انا بعرف انو الرجال هنه الي اكتر شي بيخونو كنسبة مقارنة بالنساء

بس كمان بعرف انو لما النساء بيخونو بيخونو عن سبق اصرار و تفكير طويل و مو نزوة او هيك شي متل عند الزلمة


بس صدقوني الرجال لما يشوف وحدة و يوهبلها حياتو و يحلم بيوم زواجو منها و بتضل هالبنت متل ما هيه بعد الزواج صدقوني ما رح يخون لو تنطبق الآرض عالسما

بس للاسف ...............المرأة هوايتها حرق قلب الرجل

لو كان منيح معها بتصير تفكر انو مالو شخصية

اذا سايرها و ما كان يسمح لحالو يعارضها و يشغللها بالها او ينزللها دموعها تصير تفكرو طرطور و مو زلمة لأنو مالو كلمة



بس الشب من اول مرة بتشوفوه والله بيبين اذا واطي و تبع تخبيصات مع البنات ولا لاء

بس البنات ههه والله مخباية بتيابة




طبعاً ...... ما تجنو عليي ها

انا عم بحكي عن حالات بعرفها و ما عممت عالكل

بعرف انو في كتير ناس مانها هيك

بس انا عم بحكيك بخصوصية بتمنى ما حدا يفكر انو عم هينو او شي


و اذا فكر فأنا اسف والله العظيم اسف

بس للاسف ...............المرأة هوايتها حرق قلب الرجل

وي كانه صحيح
هي صحيح

ليش ادم بيخون مرته ؟؟؟
سؤال وجيه
هلق الواح بيخون مرته يا اما جنان بدون سبب ونزوة وهدا غلط كبير
وهو الغلطان الاكبر والوحيد
او بيخون لانه مرته مقصرة تجاهه
وهون هنن التنين غلطانين

وفي فكرة انه الرجل بيخون نزوة بس المرة عن سابق اصرار وتصميم متل ما قال اسمر

بس

مافيني نقول دايما ادم بيخون في ادامت اداميين وما بيخونوا وليش هالحروب علينا انه ادم بيخون وبيخون
والمرة هي الملاك الصغير يلي بريئة يا حرام

كمان ليش ممكن يخون ادم بيكون ما يكون في حوا عبتخون معه ؟

لا تحكوا ع الرجال بهالطريقة وانه انتوا المظلومين
اليوم بدنا نشعل حرب ههههههههههه

لا بجد لا تعمموا بس لانه الرجل دايما بيطلع وبيفوت فهو معرض لانه يخون اكتر من المراة وبس
وبيشعر فيها لما بتخونه مممممممممممممم
قلبه بيقله اذا بيحبها بجد


وكملي انسة مها لنشوف شو بيطلع معك كمان من اولها هيك
كيف النهاية ؟
لا تاخدي ع حكيي كتير انا بلعي هيك كتير بس تكملي معنا بتلاقيني اسوا من هيك هههههههههههه

برأي انو
مافي سبب معين للخيانة
حسب

اول شي شكرا على مروركم وتعليقككم.................................................................................................................... ويااستاذ يا اسمر اكيد في هيك وهيك لانو ازا خليت خربت وفي ادامت متل ما كتبت اداميين بس هاد لشي صفي قليل او حلم وحتى بالنسبة لحوا يعني لا تفكر انو ملاك بس كمان هيك وهيك بس وحتى نسوان هالايام يا لطيف بس انا كنت حابة لسبب مو اكتر وعادي ولا يهمك انا بقبل كلامك

ليش آدم بيخون مرتو؟؟؟؟؟

هاد السؤال إلو أكتر من جواب

1- أنو تكوت مرتو مقصرة بحقوا لما بيفوت على البيت بيشوف وحدة شعراتا منكوشين ويمكن ماتكون مغسلة وشا من إسبوع وريحتا كلا سمنة وزيت وبصل وتوم وكل كم شهر جايبة ولدة منشان ماتخليه يفكر يتزوج عليها قال بكسر ضهرو باللولاد ههههههه أصلاً ها اكبر سبب بيخلي الرجال بيهرب من بيتو وبيشوف وحدة تانية بيتزوجها أو إزا مابيروح على الحرام يالطيف وكمان النق والقال والقيل ومدري شو كلا بتهرب الرجال من بيتو



2- ممكن بيكون الطرفين موحابيين بعض وهاد سبب كبير نهايتو الطلاق بعد الخيانة من الطرفين (طبعاً مو عند الكل يلي بيخاف الله مابيعمل هيك) بس هدول الناس صايريين قلال هاليومين



3- في شغلة نازلة موضة جديد أنو البنت بتلطش الشب وهاد الشي كتران بمجتمعنا وكتير شباب لطشوون بنات

وفي شباب تجاوبو مع البنات هدول وفي ناس لاء هاد كلو مابيعمل علاقات غير مشروعة بين تنين مابيعرفو حتى اسماء بعض وللأسف في ستتات متزوجات بيعملوا هاد الش

طيب مابنسئل هي الست ليش عم تعملي هيك وتخوني زوجك يلي عم يطلع من الصبح ومابيجي للعصر بياكل لقمتين
وبيرجع على شغلو ومابيرجع للمسا منشان بيأكلك وبيسترك وبيلبسك أحلى تياب وبشتريلك أحلى بارفانات بتروحي وتخوني هاد الرجال يمكن تقول انو زوجي مقصر معي بحقوقي الشرعية أنا مابتصور هاد الشي وارد إلا إزا كان الزوج مسافر برات البلد بسبب تأمين لقمة العيش هيك بيكون مقصر بحق الزوجة بس لما بيكون معا مابتصور انو يكون مقصر بحقا بس هي الزوجة عندا مرض نفسي اسمو الخيانة وهاد الشي كلو بسبب ابتعاد الناس عن الدين والأعراف والتقاليد فكتير من الزوجات بيخونو زواجون مع رفات هاد الزوج وكتير رجال بيخونو زوجاتون مع رفقات هي الزوجة

يعني الجواب لسؤالك يامها هوة النسوان هنن السبب يعني الرجال مابيعمل هاد الشي بدون وجود المرة كيف بدو يخون إلا إزا شاف المرة بالشارع أو بالمكتب معو بشي شركة او جارتو أو مديري شو عم تعطي الضو الأخضر وتقلو تعا لعندي

هاد الجواب يعني المرة هية يلي بتقدر تحط حد لهاد الموضوع وكان الرجال بيلعب دور بيقدر بيحط حد لهي المرة الوقحة
ومارح تسترجي تعمل هيك معو مرة تانية هاد إزا كان الطرفين بيخاف الله



4- بعدين الرجال لما بيخون مرتو مع مين بيخونا ؟؟ مو مع مرة تانية أكيد مرة تانية يعني النساء هنن السبب المباشر

وبواسطتهم تتم الخيانة يعني لما الوحدة يلي مابتخاف الله تمشي بالشارع ولابسة قصير وحفر ومدري شو متمكيجة ومو مخلية لون ومو داهنتو على وشا ومتحمرة وحاطة بارفان وفالة شعراتا وعم تتمايع بالشارع وبتغمز في رجال مافي عندون إيميان وبيعبدو شهوتون وغريزتون هدول اكيد رح يلقو هي الوحدة وبيصير الحرام

وبالأول وبالأخيبر الخيانة مشتركة يعني مابتم إلا بوجود الطرفين والي هنن الرجال والمرة

وسبب الخيانة اللإبتعاد عن الدين وعدم الخوف من الله

والحل لهي المشكلة الرجوع إلى الدين والتمسك به فالقابض على دينه في هذا الزمان كالقابض على الجمرة

وبدعي الله انو مابيوقع كل مسلم وسلمة بهيك غلط كبير وعظيم العرش بينهز لما بيصير

الله يلطف فينا يارب

شكراً على هالموضوع الحلو (وعذروني على طول جوابي )

لا بالعكس جوابك كتير حلو وانا كتير بشكرك لانك غطيت عا لكل وما في مجال انو اي واحد يعلق على ردك وانا كل غايتي من ها لموضوع حتى افهم وجهة نظر كل واحد مو اكتر

حلو ميشو
الى الأمام

والله حسيت حالي بمبارة هههههههه

ههههههههههههههه

واحد صفر لميشو

لالا والله واضح انو ها لحكم اخد رشوة 0000000يااما عم يواسي حا لو شو واحد صفر 0000