Friends4Ever

أنت غير مسجل في منتدانا ,لذا يجب عليك الإسرع في التسجيل قبل فوات الأوان ...رح تندم إذا ما سجلت

المواضيع الأخيرة

» في حدا هوووون ؟ 2017 !!!
الأحد أغسطس 06, 2017 11:37 am من طرف RamOoZz

» مرحباااا جميعاً بعد غياااب طويل
الثلاثاء نوفمبر 17, 2015 5:16 pm من طرف ElecTroN

» سجل دخولك للمنتدى بالصلاة على النبي.......تثبيت
الإثنين يونيو 09, 2014 5:39 am من طرف RamOoZz

» وصل للخمسة واضرب العضو يلي بدك ياه كف
الإثنين فبراير 04, 2013 3:35 pm من طرف J.u.s.t B.r.a.a

» قدّم وردة للعضو يلي تحبه ..
الإثنين فبراير 04, 2013 3:35 pm من طرف J.u.s.t B.r.a.a

» ورجعنا .............
الإثنين فبراير 04, 2013 3:34 pm من طرف J.u.s.t B.r.a.a

» خواطر رومنسيه حلوه (الرابعه)
السبت أكتوبر 01, 2011 8:44 pm من طرف ميسون

» شاب يموت قبل الصلاه ((لايفوتكم قصه حزينه جدا))
السبت أكتوبر 01, 2011 8:41 pm من طرف ميسون

» الله يرحمو .. كان منيح ... ؟؟
الجمعة أغسطس 05, 2011 6:44 pm من طرف أبو جانتي

أفضل 10 أعضاء في هذا المنتدى

RamOoZz - 3313
 
Shadoo - 2929
 
Cas!llas - 2298
 
R ! M O - 1956
 
J.u.s.t B.r.a.a - 1939
 
misho - 1526
 
miss kitty - 1434
 
انفلونزا الكآبة - 1300
 
العزابي - 1150
 
1 - 927
 

    موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    شاطر
    avatar
    rossiana
    عضو فضي
    عضو فضي

    انثى
    الاسد عدد الرسائل : 338
    العمر : 28
    تاريخ التسجيل : 04/08/2008

    موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف rossiana في الأحد نوفمبر 16, 2008 1:19 pm

    عندما ننظر الى مجتمعنا نرى فيه أشخاص او جماعات بأفكار واتجاهات مختلفة .. هناك الكثير من الاشخاص يعتمدون الدين كمبدا يقودهم في حياتهم وهناك من تقودهم العادات والتقاليد والاعراف وهناك من تمرد على هذا وذاك واتخذ افكاره الخاصة وهناك من تمرد اكثر واتخذ افكارا معاكسة تماما للمجتمع ...
    نلاحظ ان اغلب النقاشات تتضمن كلمة شرقي وغربي ... ونلاحظ اكثر ان الشبان هم من يتمسكون اكثر بالشرقية والفتيات من يحاولون الدفاع عن الغربية ... تجد الشاب يبحث عن فتاة شرقية تناسب ما تربى عليه وترضي غروره وشرقيته ورجولته المستشرفة .. والفتاة تبحث عن شاب غربي ظنا منها انه سيعطيها حقوقها المغبونة وحريتها التي حرمت منها من قبل ان تولد ...
    هل تصنف/ين نفسك بالشرقية ام بالغربية ؟ ما هو مبداك في الحياة؟ ما هو مرجعك عندما تحاول/ين اتخاذ قرار مهم او غير مهم في حياتك؟
    ان شاء الله تكون وصلت فكرة الموضوع بالنسبة الي انا ما بحب تصنيف الشرق والغرب .. برايي انو كلا الحضارتين فيها امور صحيحة ومفيدة وفيها امور غلط ومدمرة للنسيج الاجتماعي ...
    بانتظار ارائكم خلونا نتناقش بهالموضوع لان كتير عم ينطرح هالايام وكتير عم يصير فيه نقاش وعم نلاحظ انو في كتير افعال وردود افعال عم توصل لانو يصير عنا شغلات كتير غلط بالمجتمع ومنها ازمة الثقة اللي صايرة بين الجنسين.. عم لاحظ ضياع وتخبط كتير بين الشباب بسبب هالافكار هي بتسالو انت مع ولا ضد بيقللك ما بعرف او بيقللك مع وتصرفاتو بتدل انو ضد .. يعني في شي غلط عم يصير يا ترى شو هو ؟ وكيف فينا نحل هالقصة؟
    scratch scratch

    Cas!llas
    عضو بلاتيني
    عضو بلاتيني

    ذكر
    السرطان عدد الرسائل : 2298
    العمر : 29
    تاريخ التسجيل : 10/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف Cas!llas في الأحد نوفمبر 16, 2008 9:49 pm

    هل تصنف/ين نفسك بالشرقية ام بالغربية ؟ ما هو مبداك في الحياة؟ ما هو مرجعك عندما تحاول/ين اتخاذ قرار مهم او غير مهم في حياتك؟

    أنا بالنسبة الي كل زاوية من حياتي الها صفة معينة

    يعني اذا بدك يا روز لحياتي الداخلية بين أهلي جاهلية مو شرقية
    وبين رفقاتي شرقية
    حسب الناس اللي بشوفون بتعامل معون

    بس أنو اجمالا بصنف حالي للشرقية


    ما عندي مبادئ بحياتي لأنو أهلي بالاصل ما علموني شو يعني مبادئ

    مرجعي هو الله
    لأنو اذا بدي الجئ لبابا بيقلي روحي يمين
    واذا بدي الجأ لماما بتقلي روحي يسار
    واذا بدي الجأ للبيغ برذر تبعي بيقلي لا تروحي لا يمين ولا يسار

    بقى حليها اذا بتحليها
    يمكن عم تفكروني اني عم بالغ بس هي الحياة أغلب البنات اللي بشوفون وبعرفون عايشين هيك
    avatar
    x16
    عضو ذهبي
    عضو ذهبي

    ذكر
    الميزان عدد الرسائل : 767
    العمر : 116
    العمل/الترفيه : ***
    المزاج : متقلب مع نفسي و مستمتع بكل لحظة
    الموقع : الجنة
    تاريخ التسجيل : 10/08/2008

    بكل تواضع رد إكس سطعش

    مُساهمة من طرف x16 في الإثنين نوفمبر 17, 2008 9:55 am

    يعني في شي غلط عم يصير يا ترى شو هو ؟ وكيف فينا نحل هالقصة؟
    بنبلش معك بالنهاية
    قلتي شو يلي عبيصير يلي عبيصير انه نحن جيل عبناخد عادات وتقاليد الغرب او بالاحرى يلي الغرب بده يوصللنا ياها عن طريق النت او التليفيزيون ومستحيل تلاقي شب ما بيتابع افلام ومسلسسلات <نادراً جداً>
    وبهي الافلام والمسلسلات مابيعطوا عاداتهم وبس لا بيعطونوا امورهم السيئة وحتى ممكن امور ماعندهم ياها بس بتحقق ربح مادي انه متل القتل والجنس وهالحكي كله يعني مو شرط امريكا متل ما بتصورها هوليود نفس الشي دمشق مو متل ما بتصورها المسلسلات
    فالمعنى هون هالجيل الجديد عبياخد عادات وتقاليد تجارية لو انه عبيقرا كتاب تاريخ الغرب فرضا نص مصيبة اما عبياخد من التي في
    هي من جهة ومن جهة تانية عادات وتقاليدنا احنا يلي فيها منيح وفيها ردي متل كل شي بهالكون <<قصدي انه فيها منيح وردي العادات الاجتماعية ومو العادات الدينية لانه هالبشر عبيفهموا الدين غلط ان كان اسلام او مسيحية او حتى المذاهب الاخرى فلازم مانحكم على شي بحسب هالناس لا بل بحسب ماهو واساسه >>
    يعني انه عاداتنا وتقاليدنا كلها الاهل والمجتمع بشكل عام عبيعطيها لهذا الجيل وبطريقة غلط كمان وبطريقة صورية
    كيف يعني صورية؟ يعني بالصورة والله شو بنقلك يا ابني لازم ماتعمل هيك وبتلاقي الاب بيعمل هيكبالمدرسة بيقولوا شغلوا مخكم ووقت الجد ووقت الابداع بيقولوا سكوت وبلا لعي يعني في تناقض بحياتنا ككل مابين النظري والتطبيق
    وتذكروا كيف عبناخد العادات من الغرب باحلى طريقة مع المؤثرات الصورية والصوتية و...
    هلق هالعادات يلي اخدناها من الاعلام الغربي لنكون دقيقين شوية بتتصادم مع العادات يلي عطونا ياها اهلنا غصبا عنا وبطريقة اغلبها غير مقنع بهيك صدام شو بتتوقعوا من هالجيل؟
    هذا هو يلي عبيصير انه هالشب ضايع طيب شاف بالفيلم انه العلاقة بين الشب والبنت عادي وياي وهاي
    بيجي ع المجتمع تبعنا بيلاقيها غلط طيب شو بده يعمل ؟
    طبعا بيلجأ لفطرته وبيطنش المجتمع بدون ما يتفهم فكرة المجتمع وممكن يمشي بطريقة تضره ابداً ما تفيده
    كيف فينا نحلها؟
    انتي المسؤولة وانا وهداك وهداك يلي قاعد هونيك ببساطة كلنا نحن هالجيل الجديد
    انا بسميه جيل الضياع . او عصر الضياع .lost generation
    هذا نحن ببساطة واقعية شو لازم نعمل صار لازم نأسس للجيل الجديد نبني القواعد الجديدة للمجتمع الجديد انا وانتي والكل لازم نوقف مع بعض ونرمي الافكار السخيفة ونطور القديمة ونجدد ونحاول نتمسك بأصالتنا بالنهاية يلي ماله ماضي ماله حاضر
    انا بلاقي أكبر خطا نقول لازم نكون متل الغرب لك مين الغرب؟ امريكا او اوربا او مين ؟
    ولك يارجل عند الثورة بتلاقي مكتوب كن نفسك
    نحن لازم مانركض ورى الغرب بس ما بنكبهم ليش؟ لانهم متفوقين علينا يعني؟
    سئل أحد المفكرين عن طبيعة العلاقة مع الغرب شو ناخد منهم وهيك حكي
    قال لناخذ مافي عقولهم وندع مافي نفوسهم
    يعني صار لازم نبني الجيل الجديد بالقواعد الصحيحة والمتينة ونعمل تحديث للمجتمع ككل يمكن صعب بس مو مستحيل وكل انسان عنده راي بهالمجال وكل انسان بيكون عمل شي بس المهم انه ما نام لانه
    انا من جهتي مليت لسى عربي يعني شي جدا سئ وغربي يعني واو
    كل كله بشر بس يلي بيفرق مقدار الوعي
    روح لعند واحد غربي قله انا بكرهك بيقلك أي وبعدين شو بدك عمو بي باي عندي شغل
    خلونا نبني المجتمع الجديد بقواعد قوية ومتينة لك نبنيه ولو بكلمة او حكمة المهم ما نعيش ونموت وبالاسم عشنا
    هل تصنف/ين نفسك بالشرقية ام بالغربية ؟ ما هو مبداك في الحياة؟ ما هو مرجعك عندما تحاول/ين اتخاذ قرار مهم او غير مهم في حياتك؟
    بنرجع للأسئلة
    انا بالدم شرقي بعقلية غربية وبفكر جنوبي مع برودة الشمال
    مبدأي في الحياة والله عن جد مابعرف كيف بدي احكي عن المبدأ ومابعرف كيف بحسه موضوع طويل وصعب ينحكى فيه بس بيكفي انه الاحترام للكل وانه الفائدة للكل والتعلم من الكل
    ولاحظوا على كلمة كل

    مرجعي
    اذا مهم بسال اهلي ومجتمعي وأهل الاختصاص وبعدين بتوكل وبمشي
    يعني بتخذ الاسباب وكأنها كل شئ وانلسلخ منها لانها لا شئ
    اذا مو مهم
    طنش تعش تنتعش خخخخخخخخخ
    لا كان ودي أكفي بس بيكفي
    شوفوا نفس الكلمة لمعنيين متناقضين
    وسمعي آنسة روز انتي جنيتي ع حالك قلتيلي بدك ترد خدي لكن بس شاطرة تردي ع مواضيعي استحملي
    458774
    avatar
    خالد
    عضو ذهبي
    عضو ذهبي

    ذكر
    الجدي عدد الرسائل : 856
    العمر : 28
    تاريخ التسجيل : 08/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف خالد في الإثنين نوفمبر 17, 2008 2:35 pm

    طيب فينا نسأل بعض ليش الغرب مابحاولوا يصيروا متلنا .... اها ليييييش ..؟؟ لأن نحنا شعب ماعم نقدم شي لهالمجتمع ولهالكون شي بفيد ..


    وأذا بتلاحظوا وقت كان العرب في أوج علمهم كانوا الغرب أعتمادهم الكبير على العقول العربية وكيف تفكيرهم .. يعني لاقلدونا لا بلبسنا ولا بالستايل ولا بأي شي خارجي تقربوا من العرب من النواحي العلمية والفكرية ...



    امااااا نحنا بالعكس لييش مابعرف .. يعني بتشوف جيلنا هلي هووو نحنا عم يقلد الغرب تقليد أعمى وياريت من نواحي ايجابية كللللللله من نواحي سلبية ...



    يعني والله مابعرف شو بدي أحكي انا بالنسبة لهيييك مواضيع بحب ناقش الشخص صوت وصورة 1223265465 1223265465

    مشكوووووورة روز ..



    والله يمكن ردي فايت بالحيط ... ماااااا ؟؟؟

    Cas!llas
    عضو بلاتيني
    عضو بلاتيني

    ذكر
    السرطان عدد الرسائل : 2298
    العمر : 29
    تاريخ التسجيل : 10/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف Cas!llas في الإثنين نوفمبر 17, 2008 10:31 pm

    لاءا سيد خالد بس اذا بدكون تحكو بهالقصة لا تحكو عن الستايل وتقليدنا للغرب باللباس لأنو ما بحسو غلط يعني عادي وحدة اذا شافت وحدة بالطريق بتصير بدها تلبس متلها

    بقى لا تدخلو الستايل بالنص
    avatar
    rossiana
    عضو فضي
    عضو فضي

    انثى
    الاسد عدد الرسائل : 338
    العمر : 28
    تاريخ التسجيل : 04/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف rossiana في الجمعة نوفمبر 21, 2008 7:36 am

    شكرا معتز شو بدي استحمل ردك حلو كتير ... بالعكس شكرا كتير عالرد ...
    بالنسبة لفكرة العادات والتقاليد الغربية والشرقية للاسف نحنا ما عم ننظر غير لناحية وحدة هي الجنس والعنف اللي عم يوصلنا من خلال الافلام وهوليوود وحتى بوليوود وحتى الافلام المصرية ... لاحظ انو في كتير قصص بمجتمعنا عم تصير لا تمت للمجتمع السوري (وقلت السوري لانو الو خصوصيتو اكتر من المجتمع العربي والاسلامي ) حتى هي الافلام بيكون فيها كتير احيان قيم وعبر كتير حلوة بس نحنا ما ننظرلها ومنترك كل شي ومنطلع عالنقط اللي مننفر منها ومننتقدها ... طيب اذا جبت منتج او مخرج او ... وقلتلو انت هيك عم تنشر شي مو منيح حتى بالمجتمع الامريكي نفسه بيقللك الجمهور عايز كده يعني انا مضطر حط شي لحتى يمشي الفيلم الموضوع تجاري بحت ..بيعوض على هالموضوع انو بعض الافلام فعلا بيكون فيها قصة وعبرة
    كاني طلعت شوي عن الموضوع بس هي النقطة حبيت وضحها ...
    انت ذكرت نقطة كتير حلوة انو هاد بالفعل جيل الضياع لذلك نحنا لازم نستغل هاد الشي ونخليه نقطة قوة النا بدال ما يكون نقطة ضعف .. بقصد ما فيك تقللي انو المجتمع على زمن اهلينا وجدودنا كان صح مية بالمية او غلط مية بالمية .. يعني كان في كتير نقاط بتحتاج لتعديل وكذلك المجتمع الغربي .. نحنا جيل حصل على فرصة انو يتعرض لكل القيم وكل العادات والتقاليد ويحصل على نوع من حرية التفكير ليوصل للشي الصح بالنهاية .. لازم نستغل هاد الشي متل ما قلت لنحط اساس لجيل يكون اقوى واذكى وافضل ويعيش حتى بمناخ صحي اكتر من ناحية جسدية وعقلية ونفسية وروحية

    انا بالدم شرقي بعقلية غربية وبفكر جنوبي مع برودة الشمال
    هي الجملة ما كتير فهمتها ... بس حلو كتير في تنوع بالموضوع

    الاحترام للكل وانه الفائدة للكل والتعلم من الكل
    حلو كتير مبداك بالحياة ....

    نفس الكلمة لمعنيين متناقضين .. هاد كان هدفي تماما من الموضوع .. التناقض والتنوع الموجود بين البشر سواء بمجتمع واحد او بعدة مجتمعات مختلفة هو اللي بيخلي حياتنا تمشي ... يعني نحنا ما لازم نكون شرقيين وندافع بطريقة عمياء عن هاد الشي لانو جدودنا بشر مو ملائكة حتى ما يغلطوا وكذلك الامر بالنسبة للغرب .. كل حضارة وكل مجتمع الو تاريخ وفيه الشغلات المنيحة والشغلات السيئة ما بيصير نحكم من برا وبطريقة غير منطقية لازم يكون تفكيرنا اعمق شوي من القشور السطحية وهاد الشي بينطبق عالاديان كمان ...( بقصد القشور السطحية مو قصة الشي الغلط والشي الصح) وناخد الشي المنيح ونكب الشي المو منيح ونفهم انو كل انسان حر بافكارو وبقناعاتو وارائه طالما هو محترمني وما عم ياذيني او ياذي غيري فهو حر وانا بحترمو ويا سيدي حتى لو ما محترمني انا بحترمو ... يعني اللي بدي اوصلو لازم نتعلم نتقبل غيرنا ونفهم انو مو دايما نحنا صح ونفهم انو الله خلقنا مختلفييييييين بكل شي ونحترم الاخر ...
    شو كمان بدي قول بيكفي حاليا ... وشكرا مرة تانية معتز
    458774 458774
    avatar
    rossiana
    عضو فضي
    عضو فضي

    انثى
    الاسد عدد الرسائل : 338
    العمر : 28
    تاريخ التسجيل : 04/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف rossiana في الجمعة نوفمبر 21, 2008 7:37 am

    طيب فينا نسأل بعض ليش الغرب مابحاولوا يصيروا متلنا .... اها ليييييش ..؟؟ لأن نحنا شعب ماعم نقدم شي لهالمجتمع ولهالكون شي بفيد ..
    وأذا بتلاحظوا وقت كان العرب في أوج علمهم كانوا الغرب أعتمادهم الكبير على العقول العربية وكيف تفكيرهم .. يعني لاقلدونا لا بلبسنا ولا بالستايل ولا بأي شي خارجي تقربوا من العرب من النواحي العلمية والفكرية ...

    بدك تسمحلي قللك انو انت غلطان بهالنقطة لانو الغرب اخد من تيابنا ولباسنا وحتى كلامنا وعاداتنا كتير اشياء والدليل يا سيدي لبس التخرج تبعهن هو مستمد من الغلابية العربية يعني مستمد من اللبس البدوي القديم

    امااااا نحنا بالعكس لييش مابعرف .. يعني بتشوف جيلنا هلي هووو نحنا عم يقلد الغرب تقليد أعمى وياريت من نواحي ايجابية كللللللله من نواحي سلبية..

    وبهي النقطة انا معك فعلا بعض الاشخاص عنا ما عم يشوفوا من الغرب غير النقط السلبية وما عم يشوفوا من الشرق غير النقط الايجابية وهاد الشي كمان غلط ...

    يعني والله مابعرف شو بدي أحكي انا بالنسبة لهيييك مواضيع بحب ناقش الشخص صوت وصورة
    مشكوووووورة روز ..
    والله يمكن ردي فايت بالحيط ... ماااااا ؟؟؟
    النقاش كيف ما بدك بيصير خالد .. ونورت الموضوع وشكرا على ردك .. لا ردك مو فايت بالحيط .. نورت وشكرا مرة تانية 458774
    avatar
    rossiana
    عضو فضي
    عضو فضي

    انثى
    الاسد عدد الرسائل : 338
    العمر : 28
    تاريخ التسجيل : 04/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف rossiana في الجمعة نوفمبر 21, 2008 7:41 am

    فيبي كتب:لاءا سيد خالد بس اذا بدكون تحكو بهالقصة لا تحكو عن الستايل وتقليدنا للغرب باللباس لأنو ما بحسو غلط يعني عادي وحدة اذا شافت وحدة بالطريق بتصير بدها تلبس متلها

    بقى لا تدخلو الستايل بالنص

    فيبي هلا انت معك حق وخالد معو حق .. هلا انت معك حق لانو فعلا اللباس هو شي سطحي وكل الدنيا تداخلت ببعضها وما الو هالاهمية الكبيرة بالنسبة لكتير عالم ...
    وخالد معو حق لانو في ناس كتيييييير بعدها رافضة فكرة لبس البنات او حتى الشباب اللي وصل من الغرب او من العالم غير العربي بشكل عام ولانو في ناس كتير عم تاخد حرية اللباس لدرجة غير مقبولة لا بمجتمعنا وصدقيني ولا حتى عند الغرب ...بيقولو كل ما تشتهي نفسك والبس ما يليق بين الناس..
    المشكلة فيبي انو الصبايا والشباب عم يحاولوا يوصلوا للي بيلبسوا المشاهير او الممثلين او الشغلات اللي بيشوفوها بالكليبات وببعض الافلام بس هنن ما عم يستوعبوا انو حتى الغرب تفسهن ما بيلبسوا هيك .. يعني هنن صح عندهن حرية واذا بتطلع عالشارع بدون تياب ما حدا بيحاكيكي كلمة وحدة بس كمان في عندهن تصنيفات يعني في لبس عم يلبسوا البنات عنا اذا البنت بتلبسوا هنيك حتى لو كانت رايحة عديسكو ترقص بينظرولها نظرة انها بنت غلط ... يعني اللي بيقصدوا انو حتى لما نحنا عم نقلد الغرب او خليني قول الغير باللباس ما عم نقلدهم صح ...
    احلى شي للبنت الاناقة باللباس ان شاء الله تكون لابسة تنورة عشر اشبار فوق الركبة و مشلح واللي بدها ياه ... في اسلوب لهاد الشي وفي مكان مناسب ووقت مناسب بدون ما ترخص حالها وتوحي للناس بانها بنت مو منيحة ... بتمنى تكون وصلت الفكرة ... رغم انو المفروض الاحترام يكون للكل بغض النظر عن اللباس او غيرو بس الانسان هو اللي بدو يفرض احترامو على غيرو لانو مو كل الناس محترمة وبتحترم الاخر فهمتي عليي؟
    وشكرا لمرورك ولردك الاول والتاني ...ميرسي يا حلو 458774 458774

    Cas!llas
    عضو بلاتيني
    عضو بلاتيني

    ذكر
    السرطان عدد الرسائل : 2298
    العمر : 29
    تاريخ التسجيل : 10/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف Cas!llas في الجمعة نوفمبر 21, 2008 10:26 am

    أول الشي ميرسي ع نقاشك الحلو

    تاني شي هاد المتل اللي قلتي بالذات بيفقعلي مرارتي وبكرهوووووو كتير شو البس ما يليق بين الناس

    أنا عايشة حياتي مرة وحدة اذا بدي روح اخد اذن هاد وهاد ايه مو معقولة


    وأنا هي فكرة اللباس ليش بدايق منها يا روز لأنو حبيبتي صارو الشباب بيتحججو بهي القصة

    لما تشوفي شب عم يلطش وحدة بتقليلو عيب عليك بيقوم بيقلك ايه تروح تستر حالها وهي ما بتكون لابسة شي ملفت للنظر

    يعني أخدوها عادة وحجة مشان يعرفو يلطشو بدون ما حدا يلقي عليهون هالذنب

    بقى ان رحنا وان اجينا رح نضل هيك
    avatar
    rossiana
    عضو فضي
    عضو فضي

    انثى
    الاسد عدد الرسائل : 338
    العمر : 28
    تاريخ التسجيل : 04/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف rossiana في الجمعة نوفمبر 21, 2008 1:04 pm

    وانا معك بهاد الشي ولاحظي انو انا قلتلك كلامي من باب الاناقة والاتيكيت مو من باب انو مو مسترة على حالها وما بعرف شو من هالحكي الفاضي
    بعدين يا فيبي الشب اللي بدو يلطش ثقي تمام انو لو بتكون البنت اللي قدامو ابشع وحدة بالكون او بتكون من راسها لرجليها مغطسة بالاسود وما مبين منها شي بدو يلطش ...وانا معك انو الشباب عم يحطوها حجة بس هاد ما بيعني انو انا كمان تكون ردة فعلي عالموضوع انو انا بدي البس اللي بدي ياه وما حدا دخلو .. لبسي ما عم قللك لا ان شاء الله تلبسي بيكيني المفروض انو ما حدا يتدخل فيكي بس كمان كل لباس الو مكانو يعني خليني اعطيكي مثل كتيير منشوف بنات جايين عالجامعة ولبسهن ومكياجهن مكياج وحدة رايحة على حفلة انو هلا اذا مرة بهالعمر عندها مشوار مثلا بعد محاضرتها مو مشكلة بس انت جاية على مكان تعليم مو على حفلة يعني كيف قدرانة تلبسي هيك .. فهمتي عليي .. يعني كل مكان الو لبسو الخاص ومكياجو الخاص وكل وقت طبعا فهمتي عليي؟!!
    458774 في غلط بس نحنا منحاول نصلحو ولو بكلمة صح؟

    Cas!llas
    عضو بلاتيني
    عضو بلاتيني

    ذكر
    السرطان عدد الرسائل : 2298
    العمر : 29
    تاريخ التسجيل : 10/08/2008

    رد: موضوع عن شو والله ما بعرف ... خلونا نسمي شرق ام غرب؟ مع ام ضد؟ شو المشكلة؟ وشو الحل؟

    مُساهمة من طرف Cas!llas في الجمعة نوفمبر 21, 2008 11:41 pm

    أه اذا هيك قصدك أنو لكل لبس مكان معين أوكيه

    بس أما يكون اللبس هو اللي بيحكم ع شخصية البنت اذا كانت مؤدبة أو لاء فهاد هو اللي بدي أوصلو أنو غلط يعني

    وصدقيني أنا لما ألبس ما بقول قلدت الغرب والعرب بقو أنا لبست وبس هاد ذوقي ومابدي الحق حدا لا غرب ولا عرب

    لأنو بظن أنو في بنات سبقو الغرب بلبسون

    وميرسي عالتوضيح مرة تانية

      الوقت/التاريخ الآن هو الإثنين أبريل 23, 2018 1:00 pm