ليس سراباً

كان ياماكان عاهرة >>>>>>>>>>> توقف كيف كان ياماكان بداية قصة للاطفال وعاهرة كلمة معناها... كيف تدمج ؟؟؟
ااسكت وتابع
كان يا ماكان عاهرة تعيش بلا وطن يحترمها والكل ينبذها ولكن بينهم وبين انفسهم يعلمون انها خطأ ولكنهم يستكون لماذا السكوت؟

لان هذه العاهرة هي انفسنا نعم العاهرة هي نفسي ونفسك نفسنا جميعا

كيف تكون عاهرة؟
حينما تزور وتخدع وتحب وتكره وتمضي وتحرف وتغير وتفعل كل ذلك بحسب مصلحتها والجميع إلى الجحيم فلا يهمها فهي عاهرة

بهيك بداية حبيت احكي عن موضوع مو خطير ولاجرئ ولا انا اول واحد بيحكي فيه ولا أخر واحد بس
ليس سرابا
اليوم طلعت حضرت ندوة حوارية بالصدفة اليوم قريت انه في هيك شي المهم طلعت وحضرت
بلشت الندوة بتعريف بسيط عن المشاركين ويلي هنن
الكاتب وسلافة وعباس والمخرج "طبعا بلا القاب "
وبدأت الندوة بمكلمة قصيرة لكل مشارك
الكاتب : لقد قدمت هذا العمل وقد كان هدفي الاكبر ان اقوم بتغيير ايجابي في المجتمع او بمعنى اوضح ان اصف المجتمع كماهو لقد طرحت موضوعات جرئية ولكنها تمسنا في الصميم
لم اكن في مسلسلي اضع ثنائيتين مسلم-مسيحي بل متزمت -متحرر منفتح- منغلق وهكذا لم يكن هدفي الامر الديني بمعناه الديني بل الانفتاح الفكري على الاخر وعولمة التعليم والمواطنة
والاهم المواطنة فهو الميزان لاالدين

سلافة وعباس : كل منهما تحدث عن العمل واهميته بالنسبة لكل منهما وعما لاحظاه من الدور وما أثر في كل منهما

المخرج: كان انسان منفتح وحاول ان يشرح من خلال المسلسل انه اراد ايصال الفكرة للمجتمع اي نشر شئ موجود وليس كمن ياتي بشئ من العدم

وبدأت موجة من الاسئلة ليست من الحضور بل المسئولة عن الندوة جمعتها وسالتهم واحدا تلو الاخر
من الاسئلة التي وجهت للمشاركين:

1.لماذا واثناء الطرح في المسلسل قمت في دور ابنة جلال بتصويرها (تضحك)على عمها بانها تلبس الحجاب امامه وفي خلف ظهره تخلع الحجاب؟
المخرج: نحن لم نكن في هذه الحالة ناتي بشئ من العدم بل اتينا بامور تحصل في مجتمعنا
نحن نضع الاصبع على الجرح
يعلق احد الحضور :الفن لاظهار المشكلة لا لحلها

2.ـرى إحدى الحاضرات ان لماذا هذا التكرار على (مشكلة )زواج المسلم من مسيحية؟ الم يتزوج رسول الله محمد صلى الله عليه وسلم مسيحية؟
الكاتب: في المسلس كان لدينا الكثير من المواضيع والانموذجات منها التعليم والثقافة والتحرر والمرأة وغيرها لماذا تركزون على هذه الفكرة؟
ولكن المشكلة ليست في هذه الحالة بل في العكس وفي حالة القانون اي اين حقوق من ينتمي لدين أخر عند الوفاة او الطلاق
يعلق أحد الحضور بعيدا عن الموضوع: لماذا دائما تقتلون عباس النوري في باب الحارة وهنا وفي ابي جعفر لماذا؟
يضحك عباس ويقول الحمد لله انهم قتلوني هنا لانه في مسلسل اخر لم يقتلوني فيه بل قتلوني في خارجه

3.سال احدهم لماذا وضعت الدور المسيحي بهذا الوجه القريب من الضعيف هل هذا كعامل دفع لهم للتحريك الايجابي؟
لا اظن ان دور المسيحين كان ضعيف هكذا بل حاولت ان اكون منصف لابعد حد بين هذا الدور وهذا الدور
وعند التدقيق نجد انه في المسلسل من كل طرف نجد شخص متشابه اي يوجد مساواة ولايوجد ظلم لطرف تجاه الاخر

لهون وبيكفي يعني ساعتين شو بدي اتذكر

_____________________________________

وللموضوع تكملة ورايي وارائكم

انا من جهتي ومن راييي المسلسل كتير كان حلو ويلي عجبني فيه انه لما بيتعرض لمشكلة الدين ما بيقلك الدين الغلط
ان كان المسيحي او الاسلامي بل بيورجيك الحقيقة انه الغلط هو المجتمع وعاداته وتقاليده وكيف بننظر للموضوع وكيف بنوجه حياتنا بحسب مصالحنا

هي نقطة بس بعتب على شغلة بالمسلسل او بشكل عام بكل شي ليش دايما عنا مفهوم انه التغيير الشامل للمجتمع
طيب ليش ما بنقبل بالاصلاح انه نبقى بالموروث يلي عنا ونشوف المشاكل ونحلها

في شغلة التعليم المدني هلق مستحيل نحسن نفصل الدين عن التعليم وخاصة بمجتمعنا
بس مابعرف انه صح مشكلة لما بيطلع المسيحي لبى ليحضر درس والمسلم قاعد ليحضر درس التنين بالمعنى العام بيدعوا انه نعبد الله ونصلح حياتنا واخلاقنا
فكرة غامضة مابعرف كيف ممكن ينحكى عنها

هو الموضوع كله على بعضه بده حكي كتير ومناقشة لانه حط ايده ع الجرح
ا
هلق انا بدي احكي شغلة بسيطة انه لو كل واحد مننا بيركز على شغلة وحدة حياته الخاصة ويعطي التاني حريته الشخصية
يعني يا اخي شو ماكان دينك او فكرك او معتقدك مابيهمني انا ممكن اناقشك بيلي مقتنع انا فيه بس مجرد نقاش اقتنعت اهلا وسهلا ما اقتنعت اهلا وسهلا مرتين يعني ليش بندقق ع اخطاء الناس وبنبحث باخطائهم ووو ليش كل هالعي؟
خلص شو دخلكم فيني انا شو طالما ما أذيتكم ما دخلكم حرية شخصية حرية راي كل شي حرية
بس طبعا لازم اكون ضمن حدود اي بس عطونا حريتنا وحاج

يلا ناطر ارائكم لنرجع نحكي بالموضوع كمان

فعلا معتز المسلسل كان واقعي كتير وانا شفتو للأخير بس نهايتو بشعة يعني والله لازم يلاقو حل لهي القصص اللي موجودة عنا

وخصوصي مشكلة الدين يعني ما بعرف والله شو حلتها

وشكرا الك والله دايما عم تعمل جهدك تتعلمنا بكل شي عن جد شكرا

والله يا معتز يا حبيبي انا المسلسل ما شفتو والله
ومو فهمان عليكن شي
مشان هيك بس شوفك عالماسنجر بتحكيلي عن شو النقاش مشان نزلك رد زابط بيفش الخلق
ومشكور حبيبي عالموضوع

اول شغلة ذكرتني مقدمتك برواية باولو كويلو فكرتك عم تكتب عنها ... ما عطيتني رايك فيها للرواية ؟
بالنسبة للندوة ولكلام المخرج والكاتب والممثلين ما رح علق عليه غير انو كان واضح تماما لاي انسان بيحاول يفهم المسلسل صح انو المسلسل ما كان عم يحكي عن الدين كدين بل عن استهلاك المجتمع للدين على انو وسيلة بتوصلهم لغاية ما وطبعا الثنائيات اللي كانت مطروحة ما كانت مسيحي ومسلم أي ما كانت ثنائيات دينية والدليل انو شفنا المسيحي المتزمت والمسلم المتحرر والعكس كمان
وتعليقا على كلمتك ( بلا القاب ) ما بعرف شو قصدت فيها بس بالنهاية مو الالقاب هي اللي بتعمل الانسان

بالنسبة للمسلسل انا تابعتو للاخر وكان برايي من افضل المسلسلات اللي تناولت هي المواضيع لانو كان شامل لعدة جوانب مهمة من الموضوع وكان عم يطرح مشكلة ومحاولة حل لهالمشكلة هي
اذا بدنا نناقش الشخصيات فينا نناقش بداية شخصية عباس النوري واللي هي الكاتب جلال شخصية انسان مثقف دارس وواعي وانسان ماشي على مبادئه بيتعرض لقصص بتخليه بالنهاية يعمل شغلة هو ما بيامن فيها لسبب انو كان لاول مرة بتحكمه عواطفه ولاول مرة بيعرف السعادة الحقيقية رغم انو كان متزوج من قبل وعندو اولاد وحياتو ما فيك تقول عنها انها سيئة وهالشغلة هي هي زواجو من حنان بالسر
وهون منجي لشخصية حنان ( كاريس بشار) واللي هي بتمثل الطرف التاني من الصراع الاساسي بالمسلسل واللي بتكون على نفس القدر من الثقافة والوعي والشخصية الانثوية اللي بنظري انا ما بيعيبها شي وبيفرجيك المسلسل الضغوطات اللي عم تتعرضلها هالانسانة كانسانة مطلقة ضد رغبة اهلها
هي اذا فينا نقول هي حبكة المسلسل الاساسية بس المسلسل كمان ناقش قصص كتير منها قضية جرائم الشرف
تدريس الدين بالمدارس .. طرح كيف ممكن الانسان يطلع من بيئة متعصبة متخلفة متزمتة بالاصح .. ويتحول لانسان واعي ومثقف وابعد ما يكون عن التزمت ( شخصية زوج بنتو لجلال مالي متذكرة اسمو .. بالاضافة لحنان واخوها فادي ) وكمان كيف الانسان بيكون ببيئة صحيحة وبعيدة عن التزمت والافكار السلبية بيتحول لانسان متزمت بيرفض حتى اهلو (شخصية وائل شرف اللي بالنهاية بيصدم ابوه وانا بعتقد انو احد اسباب موت الاب كان صدمتو بابنو مو بس بعدو عن زوجتو)
يعني المسلسل كان غني كتييييير بافكار كتيرة ونقاشات كتيرة ومتل ما قلت بالبداية هو ماعم يدعو لتفرقة دينية او طائفية او أي نوع من انواع التفرقة هو بكل بساطة عم يعرض مشاكل اجتماعية منتشرة بسوريا وعم يدعو لانو نتقبل افكار الاخر شو ما كانت وانو الانسان اللي بيمشي صح ممكن يتعرض لكتيير مشاكل بس هاد الشي ما بيعني انو يتخلى عن مبادئو ومعتقداتو كرمال يقدر يعيش ( متل ما صار مع ميشيل وسماح وحتى مع جلال وسلافة يمكن كان اسم شخصيتها لينا )
وبيعرض فكرة تانية واللي انا بامن فيها شخصيا مو بالضرورة انو نحنا نبعد عن الدين حتى نكون متحررين بالعكس تماما فهمنا للدين صح وكيف بيدخل بحياتنا هو اللي بيخلينا نقدر نعيش حياة صحيحة ومتكاملة
. 1.لماذا واثناء الطرح في المسلسل قمت في دور ابنة جلال بتصويرها (تضحك)على عمها بانها تلبس الحجاب امامه وفي خلف ظهره تخلع الحجاب؟
بعتقد هي الفكرة واضح هي ليش لجات لهالقصة رغم قناعتها هي وزوجها انو هي القصة غلط كانت الوسيلة الوحيدة عندهن لانو يرجعوا العلاقة بشيء من الطبيعية مع اهل الزوج وهاد شي واقع متل ما قال المخرج وهي مشكلة حقيقية بالمجتمع الله لا يحيجنا نلجا لهيك قصص
.ـرى إحدى الحاضرات ان لماذا هذا التكرار على (مشكلة )زواج المسلم من مسيحية؟ الم يتزوج رسول الله محمد صلى الله عليه وسلم مسيحية؟
الناس ما عم تفهم انو فكرة المسلسل مو بالدين فكرتو بالمجتمع لانو اذا بدنا نرجع للدين حنلاقي انو لا يمت للمجتمع الحالي بصلة سواء الاسلام او المسيحية وبعدين المسلسل طرح بالنهاية فكرة زواج المسيحي من مسلمة اللي كمان ما كملت ( بشخصية اشبين ميشيل بعتقد اسمو كان بشر )
وفي حالة القانون اي اين حقوق من ينتمي لدين أخر عند الوفاة او الطلاق
لذلك يجب فصل القانون عن الدين وهاد راي بس ما حدا يقوم علي ..
سال احدهم لماذا وضعت الدور المسيحي بهذا الوجه القريب من الضعيف هل هذا كعامل دفع لهم للتحريك الايجابي؟
ما بعتقد انو الدور المسيحي كان ضعيف بالعكس تماما كان فعال وفعال جدا بدور ميشيل اللي كان فعلا عم ياثر بالمجتمع مافهمت كيف الدور المسيحي ضعيف ؟
بعتقد المسلسل كدراما وتمثيل لا غبار عليه ومن اجمل المسلسلات اما بالنسبة للمواضيع اللي انطرحت فهي قابلة للنقاش اذا حبيتو بمواضيع منفصلة لانو هي كتير حساسة والنقاش فيها طويل

شكرا عالموضوع معتز حلو كتير

منجي لكلام معتز اللي حناقشك فيه هلا


بس بعتب على شغلة بالمسلسل او بشكل عام بكل شي ليش دايما عنا مفهوم انه التغيير الشامل للمجتمع
طيب ليش ما بنقبل بالاصلاح انه نبقى بالموروث يلي عنا ونشوف المشاكل ونحلها

هل برايك هاد الشي ممكن ؟ هي اول نقطة تاني نقطة انو المسلسل ما طالب ابدا بتغيير شامل عطينا نقطة من النقط اللي طالب فيها بانو نحنا نثور على موروثنا ونكبو بالبحر بالعكس تمام هو عم يقللك انو في نقط بالمجتمع اهم من فكرة انت شو بتامن وانا شو بامن ومن ي النقط هي الوطنية هي القومية هي العلم ... وكتير قصص تانية
هي النقطة الاساسية وتاني شي اذا بدنا ناخد الناس اللي عم يطالبو بتغيير شامل هاد الشي نابع عن تشتت وكبت بنفس الوقت يعني لانو الناس ملت من انها تحاول تصلح شوي شوي وما في شي فعليا عم يتغير المشكلة انو هدول الناس ما عندهن صبر وما عندهن نظرة واقعية للامور هاد برايي
وبالنهاية بتلاحظ انو اللي عم يطالب بالتغيير او المحافظة عالعادات والتقاليد .. الخ كلهن افكارهم نابعة من مصلحة شخصية ومن نظرة واحدة للامور يعني ما بيحاولو يشوفو المواضيع من عدة جوانب

في شغلة التعليم المدني هلق مستحيل نحسن نفصل الدين عن التعليم وخاصة بمجتمعنا
بس مابعرف انه صح مشكلة لما بيطلع المسيحي لبى ليحضر درس والمسلم قاعد ليحضر درس التنين بالمعنى العام بيدعوا انه نعبد الله ونصلح حياتنا واخلاقنا
فكرة غامضة مابعرف كيف ممكن ينحكى عنها
اذا لاحظت المسلسل ناقش هي النقطة بموضوعية ضمن بحثو عن دور الدين بالتوعية وتاثيرو بالحياة يعني هو ما طالب بالغاء الدين من المدارس بل ناقش طريقة تدريسو والنقط اللي تدرس
بما انو هون في نقاش رح حط وجهة نظري بالموضوع انا ضد فكرة الغاء التعليم الديني من المدارس بس بنفس الوقت معها ... يعني هاد الموضوع بدو اختصاصيين وخاصة علم نفس واجتماع انا مو بايدي حدد هل هو صح او لا ... الفكرة انو الدين المفروض انو يهذب الاخلاق وللاسف تعليم الدين عنا عم يطلع بنتائج عكسية سواء هالتعليم صار بمدرسة ولا بجامع .. ومن جهة تانية هو من العلوم اللي كتير مهمة لحياة الانسان وما فينا نلغيه
لذلك انا برايي انو ممكن نستعيض عن دروس الدين بدروس تاريخ (رغم انو التاريخ ليس كما يجب انو يكون على قولة يحيى الفخراني) ودروس بالاخلاق والحياة ... وبيبقى الدين الاهل بيعلموا لولادهن تعاليم دينهن وممارساتو .. هاد رايي حاليا مالي متعمقة كتير بالموضوع وان شاء الله تكون وصلت فكرتي

وكلامك بالاخر صحيح كتير قليل لتلاقي شخص يتقبل النقاش بموضوعية والراي الاخر .. يعني كتير قلال العالم اللي عم يقدروا يتعايشو مع اشخاص بيخالفوهن بالاراء والمعتقدات .. وبعتقد هي اهم فكرة بالمسلسل لازم نتعلم نتعايش مع بعض لانو نحنا بالاخر كلنا بشر ...

ان شاء الله ما يكون زعجك ردي وشكرا عالموضوع مرة تانية

يعني بس هلق فمت من حكيك روز انو بالمدارس مالازم يعلمو الدين

ايه انا درست كل المراحل وكان في تعليم بالدين ولهلق ما بعرف شي

اذا ما بيعطو ديانة شو بيصير لكان

وأنا عجبتني شغلة بالتدريس باستراليا كل مدارسون ما بيعلمو دين لا مسيحي و لا اسلامي

لأنو في مدرسة خاصة بتدرس بس الدين

شكرا على ردك الحلو يا روز والمسلسل كتير حلو بس ياريت بنقدر نغير شي من هالمجتمع اللي بيقرف

شكرا عالموضوع معتز حلو كتير

مين الحلو معتز أو الموضوع ؟؟؟ بعتقد معتز أكيد يعني

بالنسبة للردين تبعك الطوال صعب الواحد يرد عليهم بس لح أرد ع الأسئلة تبعك

ليش بدون ألقاب؟.
انا كتبت انه بدون ألقاب بس مو انا يلي حكيت هالشي هي يلي عبتقدم المشاركين وبدون ألقاب المقصود يعني بدون أستاذ او أنسة او هيك حكي يعني نشيل الكلفة

بس بعتب على شغلة بالمسلسل او بشكل عام بكل شي ليش دايما عنا مفهوم انه التغيير الشامل للمجتمع
طيب ليش ما بنقبل بالاصلاح انه نبقى بالموروث يلي عنا ونشوف المشاكل ونحلها

هل برايك هاد الشي ممكن ؟ هي اول نقطة تاني نقطة انو المسلسل ما طالب ابدا بتغيير شامل عطينا نقطة من النقط اللي طالب فيها بانو نحنا نثور على موروثنا ونكبو بالبحر بالعكس تمام هو عم يقللك انو في نقط بالمجتمع اهم من فكرة انت شو بتامن وانا شو بامن ومن ي النقط هي الوطنية هي القومية هي العلم ... وكتير قصص تانية
هي النقطة الاساسية وتاني شي اذا بدنا ناخد الناس اللي عم يطالبو بتغيير شامل هاد الشي نابع عن تشتت وكبت بنفس الوقت يعني لانو الناس ملت من انها تحاول تصلح شوي شوي وما في شي فعليا عم يتغير المشكلة انو هدول الناس ما عندهن صبر وما عندهن نظرة واقعية للامور هاد برايي
وبالنهاية بتلاحظ انو اللي عم يطالب بالتغيير او المحافظة عالعادات والتقاليد .. الخ كلهن افكارهم نابعة من مصلحة شخصية ومن نظرة واحدة للامور يعني ما بيحاولو يشوفو المواضيع من عدة جوانب

أنا هيك ملاحظ يمكن انا الغلط ويمكن ما بوقع غير مع هيك ناس بس كل أغلب يلي بعرفهم بياخد مبدأ التغيير الشامل
كمان بجميع الأحوال نحن بنساهم بأنه نصلح حالنا بهيك شي بنصلح المجتمع
يعني قبل ما نقول المجتمع غلط خلونا نصصلح حالنا وبعدين بنشوف انه المجتمع بيصير أكتر من رائع

مابعرف هلق مو طالع معي حكي كتير بس اذا لقينا تجاوب ممكن نترجع بس انا امني مطول ع النت

ولرامز هي روز شرحتلك عن المسلسل لاني ماشفته كله صراحة

يا لطيف شو بلعي عن جد عذروني بس المسلسل كان كتييييييير حلو
فيبي انا حكيت عن موضوع الدين وعفكرة باي دولة غربية ما في تعليم ديني عكل انا شرحت وجهة نظري بالموضوع ان شاء الله تكون وصلت
معتز شكرا عردك ومنتناقش كمان اذا بدك

إي بنكمل رد ونقاش ومعك مابخلص مقاش بس مو هلء يعني عبيقولوا في تطوير وتحديث للمنتدى يعني بدها تتغير البدنية
مابنعرف شو بدهم يعملوا بس بعرف إنه في شي خطير وجديد واو

طبيعي بدنا نكمل نقاش

ولنا عودة ولو