(كم صـــــديق لك ؟؟؟؟)

كم صـــــديق لك ؟؟؟؟)

في زمن طغى فيــــه الغـــدر والخيــــانه ...

في زمن انعدم فيــه الصـــــدق والوفـــاء ...

في زمن أظــلم بالكــذب والمـــجــامـــلات ...

في زمن سادت فيه الأنانية والمصالح الشخصية ...

في هذا الزمن ....

لديك مــال ... إذن لديك أصدقاء ...

لديك جــاه ... إذن لديك أصدقاء ...

لديك منـصب ... إذن لديك أصدقاء ...

فجــــــــأة !!!

ذهب المـــال ... فرّ الأصدقاء ...

زال الجـــاه ... رحل الأصدقاء ...

انعدم المنصب ... طار الأصدقاء ...

في هذا الزمن ...

وهدول اصدقائي بصراحة وما في تلاعب بكلامي
والله بيعين الا ما تزبط
وشكرا انا كتير بحب هيك مواضيع

نورتو الموضوع


حكيك صح رامي انك تخسر صديق كرمال هيك شغلات تافهة بس كمان شي يزعج انو يكون عندك هيك صديق لانو مابيتسما صديق

انا بنطر لهلموضوع بناحية
انه مافي صديق دائم طول العمر ومدري شو
انه مثلا في صديق مدرسة او صديق معهد وصديق شغل صديق جامعة وهيك
هلق يلي بيقرا هالشي بيفكرني مثلا وقت اخلص معهد بكب رفقاتي لا
مو هيك قصدي قصدي بالعكس
انه هنن هيك بيكونوا مو انا هيك بعتبرهم
فكرة معقدة شوية

المهم اصدقاء حقيقين في والحمد لله
بس البعد غلاب
والقرب خداع
بس بيبقى في

ان خليت خربت

ومتل ما قال معتز هدول مو أصدقاء اللي هيم مجرد علاااااقة صداقة كانت بينون ونسيو وخلص

أما أصدقاء اي دونت ثينك سو


والي أصدقاء الحمد لله مناح كتير وبحبون كتير وأنت منون ميشو حتى لو كنت صديق نت بيكفي انك دووم بتسأل عليي

ميرسي

صحيح وأنا بوافق ع رأي الأعضاء

وبضيف
كيف بتعرف صديقك الحقيقي

لما تتدايق وتبكي وتحزن وإدور ع حد تفشلو قلبك
وتلاقي بستناك فهادا بالضبط هو الصديق الحقيقي
متل ماقال ميشو صفاتو


وأنا شخصيا علاقاتي كتيره
بقابل ناس وبطلع وبسافر بس لما بدور وبحتاج صديق مابلاقي غير 3 بستنوني
الله لايحرمني منن
مشكور أبو الميش

أهلين فيكون نورتو
وأسف على الشكر المتاخر لردوكوم الرائعة

اكتب وسجل يالقلم دنياك تمشي بالعكس
إلي توده اليوم يتمنى موت من امس
مادامك تفتله خبز انت الجود وبس
ولو شح بيك الزمن بيده يشربك سم

تلخيص الموضوع باللهجة البكمالية

عراسي اغيد
مو تلخص الموضوع هاد

هاد لب الموضوع بس بمحور تاني

لك شبكون ولا واحد فيكون قال كم صديق حقيقي عندو لك الموضوع اسمو كم صديق لك

والله انا قلت

أنا رح قلك ميشو أفندي
بالنسبة للأصدقاك ك أصدقاء كتار كتار

بس في 3 أصدقاء صدوقين صادقين
بنحطو ع الجرح بطيب يارب لاتحرمني منن

أمين

أسفين رامز نسينا حقك على راسنا تعا عملنا كفين بركي ترتاح

هههههههههههههه

لك ياأيها الأعضاء الباقين يلي ردو على الموضوع وماقالو كم صديق صدوق عندون

ايمت بدون يقولو

من بعدما يروحو الكل
بتبقى الوحدة أصدق صديقة

مافي والله مافي

وإذا كان في فهنن مسافرين
ومن بعدما كان في طلعو ..

مممم..
إذا بدي أحكي عن الصداقة و عن الأصدقاء فصفحات المنتدى ما رح تكفيني
الصداقة يا ميشو موضوع عظيم على أد عظمة هالحروف يلي كاتبها بموضوعك..وخصوصي بهالزمن اللي ساد فيه الكذب و تحكمت فيه المصالح..
بتذكر مرة حاكاني البابا وقلي أنو بعمرنا هاد منعطي أهمية كبيرة للصداقة وللأصدقاء بس رح يجي يوم نكتشف فيه أنو هالموضوع مانو شي محوري بحياتنا و رح تتغير أولوياتنا و نعيد ترتيب أمورنا من وجهة نظر تانية ووقتا رح يتحول هالموضوع لأمر عادي جدا بحياة كل شخص منا و رح يتحولو الأصدقاء لشي ثانوي.
بالنسبة لإلي حاليا عندي صديقتين تنتين بيستاهلو لقب الصداقة بجدارة وبامتياز لصدقون و أدبون وأخلاقون ولأنهن بكذا موقف أثبتولي أنو في شي بالدنيا اسمو صداقة و أنو فينا نثق بالناس بعد ما كنت فقدت الأمل بهالموضوع و تعرضت لصدمات مؤلمة بمرحلة مهمة من حياتي..

و آخر الشي رح قلك شكرا ميشو عالموضوع..شكرا كتير لأنك حطيت إيدك عالجرح

أهلين فيكي ديمة نورتي الموضوع