نتعرض يوميا للكثير من المواقف التي تجعلنا نفكر او نعيد التفكير بارائنا ومعتقداتنا وشخصيتنا ومجتمعنا ... كل يوم نستيقظ ونخرج من منزلنا كل الى عمله او مدرسته او جامعته وبما انني من الجامعيين دعوني ابدا حديثي عن جامعة دمشق وجوها وطلابها ..
طلاب الجامعة كما هو معروف تترواح اعمارهم بين 17 وحتى 27 احيانا أي فترة الشباب في ذروة العطاء ، طاقات كبيرة وقدرات متعددة ... اول مشهد تراه او يلفت نظرك عندما تدخل الجامعة هو الثنائيات الكثيرة في اماكن مخفية عن الانظار او على مراى من الجميع، ليخطر ببالك للحظة انك تدخل ملتقى للعشاق او حديقة للترويح عن النفس لا جامعة للتعليم والعمل .نحنا منسمي هالاماكن "قسم العائلات"
وبعد ان تستوعب الفكرة وتتقبلها وتتفهم ان مجتمعنا لم يذر لهؤلاء العشاق متنفسا طاهرا او حتى غير طاهر سوى هذا المكان فتعذرهم . تتجه لترى مجموعات من الطلاب الشبان والشابات في مقصف الكلية او على الادراج يتحدثون ويتمازحون ولا تجد لحديثهم معنى او نتيجة ( وانا اولهن على فكرة حتى ما حدا يفكرني عبقرية زماني بس عن جد شغلة مزعجة مو انا المزعجة معتز الموضوع اللي عم احكي عنو هو المزعج )
وقلما تجد مجموعة منهم يتحدثون بالمحاضرات او الكتب العلمية او حتى المسرحيات والامور الثقافية ...
وبعد ان تستوعب هذا المنظر ايضا وتستخرج الاعذار وتتفهم المواقف التي تراها .. وقد لا تتفهم تنظر حولك بحثا عن سبب هذا الانفلات والضياع الذي تراه فتجد الاجابة حاضرة امام عينيك ... وانا هنا سادع الاجابة لكم ترى ما هو السبب الذي يدفع الشباب الى تضييع وقتهم وطاقتهم في امور سخيفة لا تفيدهم بل على العكس تضرهم احيانا وتضر المجتمع ؟
هل السبب هو البناء الجامعي العظيم الذي ما تلبث اعمال الترميم فيه ان تنتهي حتى تبدا من جديد ؟ ام المدرجات والسبورات التي تشعرك براحة عظيمة اثناء حضور المحاضرة ؟ ام اساتذة ودكاترة الجامعة النوابغ الذين لا يحتاجون ابدا الى دروس في في التعليم ومكبرات صوت وخط ؟ ام المناهج العملية ام المخابر ؟
بالنسبة لي اعتقد ان السبب الرئيسي ليس ايا مما سبق ، وهو خيار- صدق او لا تصدق- تجده في الامتحانات الجامعية .
اعتقد ان السبب في ضياعنا وتضارب افكارنا هو انعدام التوجيه .. اسمحولي هلا احكي بالعامي
للاسف من البداية ، من الطفولة منلاقي كبت لمواهب الطفل يعني كلنا ما شاء الله وقت كنا صغار بدنا نطلع دكاترة وهواياتنا الرسم والتلوين والغناء .. يعني من البداية بتبدا عملية الحد من التفكير والقدرات والتوجيه باتجاه واحد وبس .. بعدين شوي شوي منبدا بالمناهج التعليمية ولما الطالب يحاول يناقش او يفهم او يسال ليش بيلاقي الاستاذ العظيم عميقلو" من شان قطيش يقطشلك ادانك عرفت ليش سكوت وعود" ..او حرام ليش الظلم في اساتذة بيحاولوا يشرحو بس بتلاقيه فسر الماء بالماء بعد عناء، بيقوم هاد الطالب المسكين بينضرب على قامتو وبيسكت وبيبطل يشارك او يسال لانو بكل بساطة رح ينقلو غلط او ما شاء الله شو فطحل الله يخليك لاهلك ... المهم انو بيتعلم انو يحفظ ويبصم وما يشغل عقلو .. بيوصل للبكالوريا بيكون عندو بالبداية امال وطموحات وما بعرف شو .. شوي شوي بيوصل لاخر السنة عم يقول ان شاء الله انجح وما بدي شي تاني ... بينجح" شو بدك تدخل يا ابني الفاشل ؟" طبعا هدول الاهل اللي عم يحكوا . بيدخل شي فرع -اللي طلعلوا- بيحبو ما بيحبو مو مهم المهم شهادة جامعة يمشي حالو فيها .. فبينتج عنا هاد الجيل اللي عم نشوفو بالجامعات طبعا عدا عن كتيييييير عوامل وشغلات تانية ...
هل شعرت لمرة ان لديك الكثير لتقدمه ولكن لم تجد شخصا يدعمك بشكل حقيقي ؟ هل شعرت انك بحاجة لتفريغ طاقتك بطريقة او باخرى فلجات للطريقة الاسوا ؟ لماذا عندما نطلب من شخص موضوعا للنقاش الجدي نجده يتحدث عن الاختلاط او الحجاب او المصافحة او المراة او علاقة الرجل بالمراة ؟ غريب كيف اصبحنا جميعا خبراء بامور المراة والمجتمع وكيفية الحياة الصحيحة ...
لماذا نجد الاجابة عن سؤال يتعلق بالدراسة او العلم او الثقافة " لك يا زلمة عيفنا هلا ناقصينك ولي عالعتت هات غير سيرة كرمال اللي خلقك" لماذا نهرب من قدراتنا وطموحنا لنستعيد وعينا بعد فوات الاوان؟ لماذا لا نحاول ونبحث ؟ لماذا نجعل همنا الاساسي امور سطحية ستاتي ان بحثنا عنها ام لا وستاتي في وقتها الانسب ؟ لماذا عندما يحدثنا شخص عن عمل طوعي او وسيلة لتطوير الذات لا نستمع بل نقول "يا اخي مو فاضيين هلا بس لصير عنا هيك وهيك وهيك منروح منعمل شي يفيد العالم بس هلا يا دوب قدرانين نفيد حالنا" ؟
افكار عن الجامعة طبعا تقابلها افكار مشابهة عن الواقع المدرسي او واقع العمل بالبلد ... شو رايكم؟ هل يا ترى في حل ؟ او خلينا نبدا من السبب بركي منلاقي حل
طلاب الجامعة كما هو معروف تترواح اعمارهم بين 17 وحتى 27 احيانا أي فترة الشباب في ذروة العطاء ، طاقات كبيرة وقدرات متعددة ... اول مشهد تراه او يلفت نظرك عندما تدخل الجامعة هو الثنائيات الكثيرة في اماكن مخفية عن الانظار او على مراى من الجميع، ليخطر ببالك للحظة انك تدخل ملتقى للعشاق او حديقة للترويح عن النفس لا جامعة للتعليم والعمل .نحنا منسمي هالاماكن "قسم العائلات"
وبعد ان تستوعب الفكرة وتتقبلها وتتفهم ان مجتمعنا لم يذر لهؤلاء العشاق متنفسا طاهرا او حتى غير طاهر سوى هذا المكان فتعذرهم . تتجه لترى مجموعات من الطلاب الشبان والشابات في مقصف الكلية او على الادراج يتحدثون ويتمازحون ولا تجد لحديثهم معنى او نتيجة ( وانا اولهن على فكرة حتى ما حدا يفكرني عبقرية زماني بس عن جد شغلة مزعجة مو انا المزعجة معتز الموضوع اللي عم احكي عنو هو المزعج )
وقلما تجد مجموعة منهم يتحدثون بالمحاضرات او الكتب العلمية او حتى المسرحيات والامور الثقافية ...
وبعد ان تستوعب هذا المنظر ايضا وتستخرج الاعذار وتتفهم المواقف التي تراها .. وقد لا تتفهم تنظر حولك بحثا عن سبب هذا الانفلات والضياع الذي تراه فتجد الاجابة حاضرة امام عينيك ... وانا هنا سادع الاجابة لكم ترى ما هو السبب الذي يدفع الشباب الى تضييع وقتهم وطاقتهم في امور سخيفة لا تفيدهم بل على العكس تضرهم احيانا وتضر المجتمع ؟
هل السبب هو البناء الجامعي العظيم الذي ما تلبث اعمال الترميم فيه ان تنتهي حتى تبدا من جديد ؟ ام المدرجات والسبورات التي تشعرك براحة عظيمة اثناء حضور المحاضرة ؟ ام اساتذة ودكاترة الجامعة النوابغ الذين لا يحتاجون ابدا الى دروس في في التعليم ومكبرات صوت وخط ؟ ام المناهج العملية ام المخابر ؟
بالنسبة لي اعتقد ان السبب الرئيسي ليس ايا مما سبق ، وهو خيار- صدق او لا تصدق- تجده في الامتحانات الجامعية .
اعتقد ان السبب في ضياعنا وتضارب افكارنا هو انعدام التوجيه .. اسمحولي هلا احكي بالعامي
للاسف من البداية ، من الطفولة منلاقي كبت لمواهب الطفل يعني كلنا ما شاء الله وقت كنا صغار بدنا نطلع دكاترة وهواياتنا الرسم والتلوين والغناء .. يعني من البداية بتبدا عملية الحد من التفكير والقدرات والتوجيه باتجاه واحد وبس .. بعدين شوي شوي منبدا بالمناهج التعليمية ولما الطالب يحاول يناقش او يفهم او يسال ليش بيلاقي الاستاذ العظيم عميقلو" من شان قطيش يقطشلك ادانك عرفت ليش سكوت وعود" ..او حرام ليش الظلم في اساتذة بيحاولوا يشرحو بس بتلاقيه فسر الماء بالماء بعد عناء، بيقوم هاد الطالب المسكين بينضرب على قامتو وبيسكت وبيبطل يشارك او يسال لانو بكل بساطة رح ينقلو غلط او ما شاء الله شو فطحل الله يخليك لاهلك ... المهم انو بيتعلم انو يحفظ ويبصم وما يشغل عقلو .. بيوصل للبكالوريا بيكون عندو بالبداية امال وطموحات وما بعرف شو .. شوي شوي بيوصل لاخر السنة عم يقول ان شاء الله انجح وما بدي شي تاني ... بينجح" شو بدك تدخل يا ابني الفاشل ؟" طبعا هدول الاهل اللي عم يحكوا . بيدخل شي فرع -اللي طلعلوا- بيحبو ما بيحبو مو مهم المهم شهادة جامعة يمشي حالو فيها .. فبينتج عنا هاد الجيل اللي عم نشوفو بالجامعات طبعا عدا عن كتيييييير عوامل وشغلات تانية ...
هل شعرت لمرة ان لديك الكثير لتقدمه ولكن لم تجد شخصا يدعمك بشكل حقيقي ؟ هل شعرت انك بحاجة لتفريغ طاقتك بطريقة او باخرى فلجات للطريقة الاسوا ؟ لماذا عندما نطلب من شخص موضوعا للنقاش الجدي نجده يتحدث عن الاختلاط او الحجاب او المصافحة او المراة او علاقة الرجل بالمراة ؟ غريب كيف اصبحنا جميعا خبراء بامور المراة والمجتمع وكيفية الحياة الصحيحة ...
لماذا نجد الاجابة عن سؤال يتعلق بالدراسة او العلم او الثقافة " لك يا زلمة عيفنا هلا ناقصينك ولي عالعتت هات غير سيرة كرمال اللي خلقك" لماذا نهرب من قدراتنا وطموحنا لنستعيد وعينا بعد فوات الاوان؟ لماذا لا نحاول ونبحث ؟ لماذا نجعل همنا الاساسي امور سطحية ستاتي ان بحثنا عنها ام لا وستاتي في وقتها الانسب ؟ لماذا عندما يحدثنا شخص عن عمل طوعي او وسيلة لتطوير الذات لا نستمع بل نقول "يا اخي مو فاضيين هلا بس لصير عنا هيك وهيك وهيك منروح منعمل شي يفيد العالم بس هلا يا دوب قدرانين نفيد حالنا" ؟
افكار عن الجامعة طبعا تقابلها افكار مشابهة عن الواقع المدرسي او واقع العمل بالبلد ... شو رايكم؟ هل يا ترى في حل ؟ او خلينا نبدا من السبب بركي منلاقي حل
الأحد مايو 12, 2019 8:24 pm من طرف J.u.s.t B.r.a.a
» مرحباااا جميعاً بعد غياااب طويل
الثلاثاء نوفمبر 17, 2015 5:16 pm من طرف ElecTroN
» سجل دخولك للمنتدى بالصلاة على النبي.......تثبيت
الإثنين يونيو 09, 2014 5:39 am من طرف RamOoZz
» وصل للخمسة واضرب العضو يلي بدك ياه كف
الإثنين فبراير 04, 2013 3:35 pm من طرف J.u.s.t B.r.a.a
» قدّم وردة للعضو يلي تحبه ..
الإثنين فبراير 04, 2013 3:35 pm من طرف J.u.s.t B.r.a.a
» ورجعنا .............
الإثنين فبراير 04, 2013 3:34 pm من طرف J.u.s.t B.r.a.a
» خواطر رومنسيه حلوه (الرابعه)
السبت أكتوبر 01, 2011 8:44 pm من طرف ميسون
» شاب يموت قبل الصلاه ((لايفوتكم قصه حزينه جدا))
السبت أكتوبر 01, 2011 8:41 pm من طرف ميسون
» الله يرحمو .. كان منيح ... ؟؟
الجمعة أغسطس 05, 2011 6:44 pm من طرف أبو جانتي