Friends4Ever

أنت غير مسجل في منتدانا ,لذا يجب عليك الإسرع في التسجيل قبل فوات الأوان ...رح تندم إذا ما سجلت

المواضيع الأخيرة

» مرحباااا جميعاً بعد غياااب طويل
الثلاثاء نوفمبر 17, 2015 5:16 pm من طرف ElecTroN

» سجل دخولك للمنتدى بالصلاة على النبي.......تثبيت
الإثنين يونيو 09, 2014 5:39 am من طرف RamOoZz

» وصل للخمسة واضرب العضو يلي بدك ياه كف
الإثنين فبراير 04, 2013 3:35 pm من طرف J.u.s.t B.r.a.a

» قدّم وردة للعضو يلي تحبه ..
الإثنين فبراير 04, 2013 3:35 pm من طرف J.u.s.t B.r.a.a

» ورجعنا .............
الإثنين فبراير 04, 2013 3:34 pm من طرف J.u.s.t B.r.a.a

» خواطر رومنسيه حلوه (الرابعه)
السبت أكتوبر 01, 2011 8:44 pm من طرف ميسون

» شاب يموت قبل الصلاه ((لايفوتكم قصه حزينه جدا))
السبت أكتوبر 01, 2011 8:41 pm من طرف ميسون

» الله يرحمو .. كان منيح ... ؟؟
الجمعة أغسطس 05, 2011 6:44 pm من طرف أبو جانتي

» أترك كلمة على **جدران المنتدى**
السبت يوليو 23, 2011 8:31 am من طرف لوتس

أفضل 10 أعضاء في هذا المنتدى

RamOoZz - 3311
 
Shadoo - 2929
 
Cas!llas - 2298
 
R ! M O - 1956
 
J.u.s.t B.r.a.a - 1939
 
misho - 1526
 
miss kitty - 1434
 
انفلونزا الكآبة - 1300
 
العزابي - 1150
 
1 - 927
 

    العرس الشامي والله غير شكل والله

    شاطر

    RamOoZz
    عضو بلاتيني
    عضو بلاتيني

    ذكر
    القوس عدد الرسائل : 3311
    العمر : 26
    العمل/الترفيه : MALL TECH Computer Company
    المزاج : رواااااق على طول انشاالله
    الموقع : بـ .......................
    تاريخ التسجيل : 11/09/2008

    العرس الشامي والله غير شكل والله

    مُساهمة من طرف RamOoZz في الخميس أغسطس 13, 2009 6:38 am

    أول شي بنبلش بالنسوان

    عرس النسوان

    الـزغـاريـد الـشـامـيـة


    للأفراح عند النسوة الدمشقيات زغاريدها، وللزغاريد اسم في اللهجة الشامية هو "الزلاغيط"، ومفردها "زلغوطة". والزلغوطة ترديد جماعي بأصوات نسائية مسبوقة بعبارة "أوها" وملحوقة بـ "لي لي لي لي ليش"، وهي تقال بأصوات عالية وبنغمة واحدة لا تتغير. ومن الزلاغيط المعروفة في دمشق:



    أوْها بِـبيـتنا رمّـانـة أوها حـامضـة و لفّـانـة
    أوها حَـلَفْنا ما نقطعـها أوها ليدخل عريسنا بالسلامة
    لي لي لي لي ليش



    أوها ديـارنا كـبـيـرة أوها ودَرَج الحـمام فيـها
    أوها وأم العريس فرحانة أوها إن شاء الله ربي يهنّيها
    لي لي لي لي ليش



    أوها "فلان" يـا واحـد أوها "وفلانة" يـا اتنيـن
    أوها اللي ما يصلّي عالنبي أوها لـيعـدم العـينتيـن
    لي لي لي لي ليش



    أوها عاللّعْلَعي اللّعْلَعـي أوها يا صـبايا تجمّـعي
    أوها يا ليل طول طـول أوها ويا شمس لا تطلعي
    لي لي لي لي ليش



    أوها حَصَّنتك بياسـيـن أوها ويا زهـر البسـاتين
    أوها يا مصحف صـغير أوها على روس السلاطين
    لي لي لي لي ليش



    أوها شـو هالنهار اللايـق أوها وفرحتلنا الخـلايق
    أوها وطقت قلوب الأعادي أوها ولَمّن حقت الحقايق
    لي لي لي لي ليش





    أوها ويا جماعـة كلكُـن أوها وما نسـينا فضلكُـن
    أوها والـيــوم عـنّـا أوها إنشاء الله بُكرة عندكُن
    لي لي لي لي ليش



    أوها يا ما قعـدوا جنبـي أوها ويا ما حرقـوا قلبي
    أوها وقالوا فلان ما بيتجوز أوها تجوّز وربي نصرني
    لي لي لي لي ليش



    أوها يا صحـن حليـب أوها وكل ما برد بيطيب
    أوها نحـنـا أهـليـة أوها وما في حدا غريب
    لي لي لي لي ليش



    أوها العريـس يا واحد أوها وعروسته يا اتنيـن
    أوها يـا خـرزة زرقا أوها تـردّ عنهن العيـن
    لي لي لي لي ليش



    أوها يا عـريـس لا تعبـس أوها افريد هالبقجـة والبـس
    أوها شواربك عروق الريحان أوها وسوالفها عروق النرجس
    لي لي لي لي ليش



    تستمر النسوة في إحياء فرحتهن، فيغنّين ويطربن ويرقصن. ولعل من أكثر الأغاني الشعبية شيوعاً في مثل هذه المناسبة أغنية "اسم الله.. اسم الله يا زينة"، وفيها تغني معظم الحاضرات بأداء اللازمة:



    اسم الله.. اسم الله يا زينة يا وردة جـوّا الجنينة
    زهر القرنفل يا عروسة يا ورد خـيّـم عـلينا



    وتنفرد إحداهن بأداء مقاطع الأغنية. وكلما أدت مقطعاً، كررت الأخريات اللازمة السابقة:



    قـومي العبي بحبل اللولو وافردي شعرك على طولو
    خليهـن يحكـوا ويقولوا آه يا حـلاوة يا شـامية

    قومي العبي بعرق المضعف وأنا لأجـلك رح بضعف
    ولو حـلفـوني عالمصحف ما بفوّت هواكِ يا زينـة

    قـومي العبـي بحلقاتـك رايـات البيـض راياتك
    الله يخلـي لـك حماتـك آه يا حلاوة يا عسـلية

    قـومي العـبي بقميصـك كل العرسان على كيسك
    الله يخلـي لـك عريسـك أبـو عـيـون عسـلي




    هلأ دور الشباب




    تتم حفلة التلبيسة الخاصة بالعريس في منزله. يرتدي العريس هناك ثيابه الجديدة. ويحلق الحلاق ذقنه ويعطره وسط رفاقه، الذين يهتفون بعبارات خاصة بالمناسبة، ويرافق كل ذلك وخزه بالدبابيس كنوع من المداعبةومشان يحوص وما يعرق يقعد عالأسكي. وكلما ارتدى العريس قطعة من ملابسه الجديدة يصيح الشباب:

    "صلوا على محمد... مكحول العين... ونير وغضير... وعادينا... وهيه!"

    هون بيكونو وصلو الشباب الطيبه

    رفقات العريس

    وبيحملوه على كتافهن

    وبيجي الواصف وبيبلش

    صلوا على محمد مكحول العين
    ........... نير وغضير واللي يعادينا الله عليه

    أول مانبدا منقول
    ........... صلوا على طه الرسول

    أول ما بدينا
    ........... على النبي صلينا

    يا صلاتك يا محمد
    ........... وبالصلاة صلوا عليه

    وعلينا وعليه
    ........... وعلى من زار قبره

    وعلى من حج إليه
    ........... حجيت الحجاج لاجله

    انشق القمر بنص الليل
    ........... من هيبة رسول الله

    لا إله إلا الله
    ........... محمد رسول الله

    وادللي ياعيني
    ........... على عريس الزيني

    وادللي يا غالية
    ........... لاطلع لك العالية

    لالاعبك لعب البنات
    ........... يا بنات ويا بنات

    يم الشعور المجدلات
    _........... يلي شعرك شعر الخيل

    مسا الخير ومسا الخير
    ........... الله يمسيكم بالخير

    الله يمسي حارتنا
    ........... ياللي مشملة حملتنا

    حملتنا عالشيخ رسلان
    ........... شيخ رسلان يا شيخ رسلان

    يا حامي البر والشام
    ........... مسا الخير جمعية

    إسلام ومسيحية
    ........... إسلام توحد الله

    والشب يولف صاحبة
    ........... لاصاحبه لالاعبه

    لالاعبه بالجودلح
    ........... جودلح يا جودلح

    زيزفون يا زيزفون
    ........... زيزفون خيم علي

    ما بناخد إلا الصبية
    ........... ما بناخد إلا الغلام

    يا غنيم يا غنام
    ........... لا تروح درب الشمال

    بياخدك التركملي
    ........... يعمل فيك شال مال

    يعمل فيك العجايب
    ........... يعمل فيك كان مان

    يعمل من جلدك رباب
    ........... للشيوخ والشباب

    للشباب التايبة
    ........... والشيوخ الشايبة

    يلي ع ربها تايبة
    ........... تايبة ومتوبة

    تايبة عالشيخ رسلان
    ........... شيخ رسلان يا شيخ رسلان

    يا حامي البر والشام
    ........... يا سباع البر حومي

    اشربي ولا تعومي
    ........... اشربي من بير زمزم

    زمزم عليها السلام
    ........... يا سلام اضرب سلام

    علي مظلل بالغمام
    ........... والغمامة غامتو

    غامتو ما لامتو
    ........... غامتو خوفاً عليه

    وعلينا وعليه
    ........... وعلى من حج إليه

    محمد زين محمد زين
    ........... محمد يا كحيل العين

    هدهد هدهد ياطير
    ........... عنا الك خبر بالليل

    يمكن شر ويمكن خير
    ........... واللي يعادينا نحاربو

    بالسيف نقطع شواربو

    والعزابي يا دلو
    ........... ما في مين يغسلو

    صابونتو بجيبتو
    ........... الله يخليلو ميمتو

    حامل بقجة قمصانو
    ........... وداير على جيرانو

    روح تجوز روح روح
    ........... حاجة تبصبص عالأسطوح

    لاتاخد بنت البلكون
    ........... لو لبست لك كل يوم لون

    خود البنت المستورة
    ........... ولو كانت فكحة وعورة

    اسمر يا بو الجديلة
    ........... دخيل عيونا الكحيلة

    وأنا ميت على عيونا
    ........... مدفعنا عيارو تسعين

    ست عشر بطارية
    ........... بيرقنا بثلاث شكال

    وحكومة عربية

    عريس الزين يتهنا
    ........... يطلب علينا ويتمنى

    عريس الزين يا غالي
    ........... ويا مسهرني الليالي

    عريس الزين ما بيعو
    ........... لو جبلي الدهب غالي

    شن كليلة شن كليلة
    ........... شن كليلة شو هالليلة

    شو هالليلة ما أحلاها
    ........... للحبايب بنتمناها

    من هالليلة من هالليلة
    ........... من هالليلة صرلو عيلة

    طقي وجني حيص بيص
    ........... نحنا في معنا عريس

    اضرب واجرح لا تخاف
    ........... وين السبعة يجاوب تسعة

    وين ستندر وين ستار
    ........... يا ستندر مالك خرسان

    ويا فشك ما لك غليان
    ........... سمعني الصوت الرنان

    وان هلهلتي هلهلنالك
    ........... حطينا البارود قبالك

    وان هلهلتي يا نشمية
    ........... واحد منا يقابل مية
    __________________


    وفي على شروالك دبانة


    لك أحلى شامي والله...

    وهي من عندي...


    ابني الصغير قاللي يابا

    ابني الصغير

    الفرقة: قاللي يابا


    بدو حلاوة مغشوشة


    بدو حلاوة


    الفرقة: مغشوشة


    ومديت ايدي عالجيبة ولقيت الجيبة مبخوشة


    ولقيت الجيبة


    الفرقة: مبخوشة


    وبنتك يا خال اخدت عقلي


    بنتك ياخال


    الفرقة: اخدت عقلي


    دقيت الباب وفتحتلي


    دقيت الباب


    الفرقة: وفتحتلي


    وعالناموسية دفشتني


    عالناموسية


    الفرقة: دفشتني


    كبة بلبنية طعمتني


    كبة بلبنية

    الفرقة: طعمتني


    وبيّض الله وجهكم


    الفرقة: وششششششووووووووووووووووووووووووووووو


    وعندما يحين الموعد المتفق عليه، يتوجه العريس في موكب خاص إلى دار العروس، فيشكل الشباب العزّاب عراضة في المقدمة، يليهم لاعبو الحَكَم وأهل العريس ووجهاء الحي، يتوسطهم العريس نفسه، وحوله حملة الفوانيس ويليهم بقية المدعوين. ويستغرق انتقالهم بعض الوقت بسبب الأهازيج والعراضة، التي يردد فيها الشباب وصفات خاصة بالمناسبة، منها:

    شـن كليلة شـن كليلة شو هالليلة ... شو هالليلة
    مـن هالليلة حمل السلة ومن هالليلة صار له عيلة

    الله يعينه على هالليلة!

    عريـس الزين يتهنّـى يطلـب علينا ويتمـنى
    عريـس الزين يا غالي أفديه بالـروح والمال

    يا عريـس كفّك محنى يا عريـس كتر ملبّس

    يا سـباع البـرّ حـومي اشـربي ولا تعـومي
    اشـربي من بير زمـزم زمـزم عليها السـلام
    ويا سلام اضرب سـلام عللي مظـلل بالغـمام
    الغـمـامـة غـمتـو غـمتـو ومـا لمتـو
    غمتـو خـوفـاً عليـه وعلينـا ... وعـليـه
    وعلـى من زار قـبره وعلـى من حـج إليه


    وبين كل فترة وأخرى، يقف الموكب ويردد "قوّال" العراضة: "يا أهل العدية... يا أهل العدية... يا سامعين الندية".

    فيجيب الشباب جميعاً: هيه!

    فيقول: الله لا يقطع لنا ولا يقطع لكم ذرية... بجاه النبي محمد خير البرية... وإن كانت راية وراية عريسنا وبيّض الله.

    فيجيب الجميع بلحن معين: وجهوووووه.

    وعند الوصول إلى مدخل دار العرس (أو إلى بيت العروس) تشتد عزيمة الشباب، وترتفع الأصوات بالهتافات: "جينا جينا جينا... جبنا العريس وجينا"، وتختلط الهتافات مع زغاريد النسوة...

    يلا حاجتكن لهون

    لحد هون وبس

    كل واحد على بيتو

    [
    [/b]


    _*_*_*_*_*_*_*_*_*_*_*_*_
    حبي لك أسطـورة تعجـز البشريـة عـن إدراكهــا
    إلا من صــدق في نطق الحب ومعناهـ
    حبي لك لا يقراء حبي لك لا يسمــع
    حبي لك يخاطب قلبي قلبك ويسعد القلبان في الإلتقاء
    وهو عطـراً وهمساً نشعـر بسعادتـه
    في صدقنا في أقوالنـا وأفعالنــا
    و تصبح ا لحياة جميلة لكي نحقق أهدافــاً قـد رسمناهــا
    وعندما نمسك بأيدينا معا فقط يومها سنشعر بالأمان


    Shadoo
    عضو بلاتيني
    عضو بلاتيني

    انثى
    الجدي عدد الرسائل : 2929
    العمر : 25
    المزاج : شي متل الرايق
    الموقع : بقلبو وعيونو ; )
    تاريخ التسجيل : 17/02/2009

    رد: العرس الشامي والله غير شكل والله

    مُساهمة من طرف Shadoo في الإثنين أغسطس 17, 2009 12:59 pm

    يالام عليك يا أبو الرموز
    غير شكل
    ولو جيتو للحق حفلة الشباب أحلا بستين مره
    يسلمووووووووووو


    _*_*_*_*_*_*_*_*_*_*_*_*_
    لَحظَةُ الصَّمتِ كانتْ كَلامًا..
    بيننا ،
    لُغَةً ليسَ يَفهَمُها في الوجودِ
    سِوانا
    إنَّها أبْجَدِيَّةُ مَن يَعشَقونَ
    ومَنْ يَنزِفونْ
    إنَّهُ النُّطقُ مِنْ حَدَقاتِ العُيونْ
    كُلُّنا مُغْرَمونْ
    كلُّنا عاشِقونْ
    بَصْمَةُ العِشْقِ لا تَتشابَهُ
    بينَ الأحبَّةِ
    حتى يَكونوا
    بِنفسِ البراءَةِ ،
    نَفسِ الطَّهارَةِ
    نفسِ الجُنونْ

    RamOoZz
    عضو بلاتيني
    عضو بلاتيني

    ذكر
    القوس عدد الرسائل : 3311
    العمر : 26
    العمل/الترفيه : MALL TECH Computer Company
    المزاج : رواااااق على طول انشاالله
    الموقع : بـ .......................
    تاريخ التسجيل : 11/09/2008

    رد: العرس الشامي والله غير شكل والله

    مُساهمة من طرف RamOoZz في الإثنين أغسطس 17, 2009 1:35 pm

    هههههههههههه

    والوصف مو متل الشوف
    نووووووورتي


    _*_*_*_*_*_*_*_*_*_*_*_*_
    حبي لك أسطـورة تعجـز البشريـة عـن إدراكهــا
    إلا من صــدق في نطق الحب ومعناهـ
    حبي لك لا يقراء حبي لك لا يسمــع
    حبي لك يخاطب قلبي قلبك ويسعد القلبان في الإلتقاء
    وهو عطـراً وهمساً نشعـر بسعادتـه
    في صدقنا في أقوالنـا وأفعالنــا
    و تصبح ا لحياة جميلة لكي نحقق أهدافــاً قـد رسمناهــا
    وعندما نمسك بأيدينا معا فقط يومها سنشعر بالأمان


    ج ـــروح روح
    عضو جديد

    انثى
    الحمل عدد الرسائل : 6
    العمر : 26
    العمل/الترفيه : صانـ ع ـة ابتسامة
    المزاج : مبتسمة لآخ ـرتى ... وكئيبة لدنياى
    الموقع : أينما يقودنى ج ــنونى
    تاريخ التسجيل : 25/12/2009

    رد: العرس الشامي والله غير شكل والله

    مُساهمة من طرف ج ـــروح روح في الجمعة ديسمبر 25, 2009 5:37 pm

    ههههه يا الله ما أح ــلاه ع ــيشتنى الأج ــواء
    بالفــ ع ــل لأنى لوهلة نسيت الشام وأهل الشام

    وهلئ حنيتلون

    ميرسى 458774

      الوقت/التاريخ الآن هو الأحد ديسمبر 04, 2016 1:17 pm